Göbələk supu
Göbələk sevənlər üçün qış süfrəsinin ən dadlı yeməklərindən biri.
Directions
Göbələk supu 1 kiloqrama qədər göbələk aparır. Əgər siz də göbələk sevənlərdənsinizsə, bu yemək sizin üçündür. İnanırıq ki, bu yemək sizin ailənizin də ən sevimli yeməklərindən birinə çevriləcək. Qeyd edək ki, göbələyi özünüz istəyə uyğun seçə bilərsiniz.
Tərkibi
8 stəkan su
2 stəkan tərəvəz bulyonu
4 ədəd kartof
910 qram şampinyon göbələyi
1 stəkan süd
1 stəkan krem
4 x/q un
1 ədəd soğan
1 ədəd kök
3 x/q kərə yağı
2 x/q ədviyyat
duz
istiot
göyərti
8 stəkan suyu tərəvəz və ya ət bulyonu ilə qataraq qazana tökün. Kartofları təmizləyib, kvadrat formada doğrayıb qazana tökün. Kartof bişənə kimi təxminən 10 dəqiqə qaynadın.
Eyni vaxtda başqa bir tavada orta temperaturda dogranmış göbələkləri yumşalana kimi və rəngi biraz qəhvəyi olana kimi bişirin. Qızarmış göbələkləri sup olan qazana tökün və 5-8 dəqiqə bişirin.
Tavanı orta temperaturda qızdırın. 3 xörək qaşığı kərə yağı əlavə edin. Daha sonra sürtgəcdən keçirilmiş kökü və doğranmış soğanı tavaya əlavə edin. Qızılı rəng alana kimi 8-10 dəq qızardın. Hazır olduqda isə onu da sup qazanına əlavə edin.
Qeyd: Kök və soğanı bişdikdən sonra blenderdən keçirərək supa əlavə edə bilərsiniz. (istəyə uyğun olaraq)
1 stəkan krem, 1 stəkan süd və 4 xörək qaşığı unu bir-birinə yaxşı qarışana qədər çalın. Hazır olan qarışımı sup qazanına tökün. Sonra ədviyyatları əlavə edin. İstəyə uyğun göbələk ədviyyatlarından da istifadə edə bilərsiniz. Kartof bişənə kimi qaynadın.
Əgər siz də bu reseptdən faydalanaraq "Göbələk supu" yeməyini hazırladınızsa, yeməyin şəklini və yemək haqqında təəsüratlarınızı bizimlə paylaşmağı unutmayın!
Nuş olsun!
