0 0
Özbək aşı

Özbək aşı

Mətbəx:

Resept

Paylaş

Bir aşın yüz yox min cürə resepti olur. Hər bir aşpazın da özünə məxsus sirrləri olur. Biz sizə Özbək aşının ən məşhur reseptini tədqim edirik. Bu reseptlə siz evinizə gələn bir özbəyi belə təəccübləndirə bilərsiniz. Bizim reseptdən faydalanaraq “Özbək aşı” hazırladınızsa, şəklini bizim İnstagram və Facebook səhifəmizə göndərməyi unutmayın. Təkliflərinizi isə şərh bölməsinə yaza bilərsiniz.

Tərkibi

1 kq düyü

1 kq qoyun əti

1 kq yerkökü

300 ml duru yağ

4 ədəd soğan

2 ədəd qurudulmuş acı bibər (çox böyük olmasın)

2 baş sarımsaq

1 x/q zirinc

1 x/q cirə

1 ç/q keşniş toxumu

Duz

(Visited 175 times, 9 visits today)
Addım 1
Bu addımı hazırladım

Əvvəlcə düyünü yuyuruq. Düyünün suyu tam şəffaflaşana qədər yumağa davam edirik.

Addım 2
Bu addımı hazırladım

Qoyun ətini yuyuruq və doğrayırıq. 3 ədəd soğanı və yerköküləri yuyub təmizləyirik. Soğanı nazik-nazik, yerkökünü isə 1sm qalınlığında uzunsov doğrayırıq. Sarımsaqların üstünün qabığını təmizləyirik, amma dişlərə ayırmırıq (şəkildəki kimi).

Addım 3
Bu addımı hazırladım

Divarları qalın olan bir qazan götürün və onu qızdırın. Daha sonra buraya yağı əlavə edin. Yağ qızdıqdan sonra kənarda saxladığımız 1 ədəd soğanı bu yağın içinə qoyun. Soğanın rəngi qaralana qədər qızardın. Daha sonra rəngi qaralmış soğanı tavadan çıxardın (şəkildəki kimi).

Addım 4
Bu addımı hazırladım

İndi isə soğançanı hazırlayaq. Doğradığımız soğanı tavanın içinə tökürük, qızılı rəng alana qədər bişiririk. (təxminən 7 dəqiqə). Daha sonra əti əlavə edirik və qızarana qədər bişiririk.

Addım 5
Bu addımı hazırladım

Daha sonra yerkökünü əlavə edirik və qarışdırmadan 3 dəqiqə qızardırıq. Daha sonra hamısını qarışdırıb 10 dəqiqə yenə bişiririk. (arada yüngül qarışdırmaq olar). Cirəni və keşnik toxumlarını ya əlinizdə ya da bir qabda əzib zirinc və duzla birlikdə yeməyimizə əlavə edirik. Sobanın istiliyini biraz azaldırıq və yerkökü yumşalana qədər 7-10 dəqiqə bişiririk. Daha sonra qazana 2 sm hündürlüyündə qaynar su tökürük və üzərinə acı bibərləri qoyuruq. Sobanın istiliyini biraz da azaldıb, sərin temperaturda 1 saat bişiririk.

Addım 6
Bu addımı hazırladım

Təmiz olması üçün düyünü bir daha yuyuruq və suyunun çəkilməsini gözləyirik. Daha sonra düyünü hazır olan qarışımın üzərinə bərabər miqdarda qoyuruq. Sobanın istiliyini artırırıq. Qazana şəkildəki kimi qaşığın köməkliyi ilə düyünün üstünü örtəcək qədər qaynar su tökürük.
Su çəkilməyə başlayanda sarımsaqları aşın içinə basdırın, sobanın istiliyini orta dərəcəyə endirin və düyü bişənə qədər aşı bişirin.

Addım 7
Bu addımı hazırladım

Aşın üstünə bir qab qoyub, sobanın istiliyini azaldıb 30 dəqiqə aşı dəmlənməyə qoyun.

Nuş olsun! :)

Şərhlər

Şərh yazılmayıb
- Brioche Slider Buns Burger Recipe 400x400 - Özbək aşı
əvvəlki
Brioş (Brioche)
- WhatsApp Image 2019 08 22 at 7 - Özbək aşı
sonrakı
Acika resepti
  • 175 dəfə baxılıb
  • Orta

Sosial şəbəkələrdə paylaş

URL-i kopyalayaraq da sosial şəbəkədə paylaşa bilərsiniz.

Resepti yadda saxla

You need to login or register to bookmark/favorite this content.

- Brioche Slider Buns Burger Recipe 400x400 - Özbək aşı
əvvəlki
Brioş (Brioche)
- WhatsApp Image 2019 08 22 at 7 - Özbək aşı
sonrakı
Acika resepti