Vafli (Waffle)
Directions
Getdiyiniz restoranlarda hər zaman ləzzətlə yediyiniz vafliləri evdə bərabər hazırlayaq.
Ərzaqlar
1 + 3/4 (260 qram) stəkan un
2 xörək qaşığı şəkər tozu
1 xörək qaşığı qabartma tozu
2 yumurta
1 + 3/4 stəkan süd
115 qram Westgold kərə yağı
1 çay qaşığı duru vanil (vanil ekstraktı)
Necə hazırlanır?
1. İri qabda un, şəkər tozu və qabartma tozunu qarışdırın.
2. Yağı əridib soyudun. Bir qabda yumurtaları yüngülvari çalın. Üstünə südü, soyumuş yağı və vanili əlavə edib qarışdırın.
3. İslaq kütləni quru (unlu) kütləyə əlavə edib qarışdırın.
4. Kütləni çalmayın.
5. Vafli formasını qızdırın. Azca yağlayın. Formanın ölçüsündən asılı olaraq, ortasına bir qədər xəmir tökün. Qapağını bağlayın. Kütlə formanın içində özü yayılacaq.
6. Vaflinin hər iki tərəfi qızılı rəng aldığında (çevirməyə gərək yoxdur, forma hər iki tərəfini bir dəfəlik bişirir; qapağı açmayın) formadan çıxardıb isti-isti süfrəyə verin.
Nuş olsun!
